رحلتنا البرية الاسبوع الماضي

[نهار الدحيلان]

بسم الله الرحمن الرحيم
السلام عليكم ورحمة الله وبركاته

هذه صور لطلعتنا البرية الأسبوع الماضي

الطلعة طبعاً اللي متكفل فيها الأخ العزيز / نواف فياض الشلاقي
لان حنا نظامنا كل ليلة خميس عشاء على واحد مرات نكون بالأستراحة بقرية رجامة ومرات نكون بالنفود شمال رجامة ومرات بالضلع وكل يوم بمكان والأسبوع الماضي الدور على نواف وقال نبيها طلعت بر وطلعنا طبعاً عددنا 6 اشخاص على ثلاث سيارات

مشينا الصباح يوم الخميس من قرية رجامة وغدينا الظهر بالنفود شمال العرايش
وبعد الغداء مشينا ومرينا قرية لينة وشيكنا الازم منها ومشينا بأتجاه ساموده وبعد محطة الشرق الأوسط لفينا مع مفرق الحدقة ووقت المغرب كنا شمال الحدقة حوالي عشر كيلو امرحنا وسوينا عشانا وفنجال وعلوم رجال والصباح مشينا ندور الفقع ولكن شكله ماخوذ قبلنا كل فيضة نجيها نحصل المحافر ولامن شي ماحصلنا الا عينة فقط وبعد الظهر سوينا غدانا شرق قليب غنيم وبعد الغداء مشينا ومرينا قليب غنيم وطلعنا منه بأتجاه الشرق الى أن وصلنا فيضة الخميسية وهي فيضة كبيرة وكأنها غابة السدر فيها متشابك مع بعض ندخل من تحته بالسيارات بالقوة والصباح يوم السبت مسينا منها الى ان وصلنا شمال فيضة سبع العوذ وغدينا وبعد الغداء رجعنا لأننا مرتبطين بأشغال وانا مشغلني الرالي راح علي


اترككم مع الصور


http://al-qnay.net/upp//uploads/images/al-qnay-7826c668e5.jpg (http://al-qnay.net/upp//uploads/images/al-qnay-7826c668e5.jpg)

http://al-qnay.net/upp//uploads/images/al-qnay-8fc02501b2.jpg (http://al-qnay.net/upp//uploads/images/al-qnay-8fc02501b2.jpg)

http://al-qnay.net/upp//uploads/images/al-qnay-5879cb1164.jpg (http://al-qnay.net/upp//uploads/images/al-qnay-5879cb1164.jpg)

http://al-qnay.net/upp//uploads/images/al-qnay-bd69ef1955.jpg (http://al-qnay.net/upp//uploads/images/al-qnay-bd69ef1955.jpg)

http://al-qnay.net/upp//uploads/images/al-qnay-5ed3b9e008.jpg (http://al-qnay.net/upp//uploads/images/al-qnay-5ed3b9e008.jpg)

http://al-qnay.net/upp//uploads/images/al-qnay-7f2a94dc61.jpg (http://al-qnay.net/upp//uploads/images/al-qnay-7f2a94dc61.jpg)

http://al-qnay.net/upp//uploads/images/al-qnay-12dd21a4fb.jpg (http://al-qnay.net/upp//uploads/images/al-qnay-12dd21a4fb.jpg)

http://al-qnay.net/upp//uploads/images/al-qnay-2cec312c30.jpg (http://al-qnay.net/upp//uploads/images/al-qnay-2cec312c30.jpg)

http://al-qnay.net/upp//uploads/images/al-qnay-bd20f60f0c.jpg (http://al-qnay.net/upp//uploads/images/al-qnay-bd20f60f0c.jpg)

http://al-qnay.net/upp//uploads/images/al-qnay-7061a154ef.jpg (http://al-qnay.net/upp//uploads/images/al-qnay-7061a154ef.jpg)

http://al-qnay.net/upp//uploads/images/al-qnay-6e8c92a24a.jpg (http://al-qnay.net/upp//uploads/images/al-qnay-6e8c92a24a.jpg)

http://al-qnay.net/upp//uploads/images/al-qnay-47847828d2.jpg (http://al-qnay.net/upp//uploads/images/al-qnay-47847828d2.jpg)

http://al-qnay.net/upp//uploads/images/al-qnay-d6edbbbe56.jpg (http://al-qnay.net/upp//uploads/images/al-qnay-d6edbbbe56.jpg)

وبالاخير تقبلو تحيات اخوكم

نهارنهارنهار

[أح مَــد]

تكفى يابو سمير هيضتني


والله الديره الزينه مير البعد ياولد والدوامات

لاكن بعد ها الصور يبي لها زياره مافيها كلام

انتظر اتصالي يابو سمير علي شان تجهز العزبه

تقبل مروري وتحياتي

[مطلق الدحيلان]

صور ولااحلى يابو سمير

الوكاد انه راحت علي بس

الجايات اكثر انشالله

سلمت على النقل الموفق

دمت

[نهار الدحيلان]

الاخ / اح مـد

لاهنت على هالمرور الرائـع

انت بس تعال وابشر بالخير ,,, لاكن مصيبة اللي يتغلى هههههههههه

لابد تزورنا نبغى نمشيك بالبر والربيع والعشب وبحط رمزك بجهاز الكنود
(( فديت اللي في غيابي يعاني ))

ايش رايك هههههههههههههههههه

احترامي لك

[نهار الدحيلان]

حياك الله اخوي مطلق الدحيلان

الخير انشاءالله بالمستقبل لاحق على خير

والموضوع من تصويري ماهو نقل طال عمرك

نهارنهارنهار

[بشير بن عياد الأبيعلي]

ابو سمير ياهنيكم ايوالله وماشاءالله عساكم دايم مستانسين
صور واسماء لاماكن يفز القلب لطاريها
دمت كما تود

[نهار الدحيلان]

مراقبنا العزيز الخال بشير العياد

هلابك وحياك الله ,,, لاهنت تسلم على هالمرور
وسالفة اللي يقول قديمك نديمك انا بعد ماشاهدت هالمواقع بعد انقطاع طويل عنها والله فز لها القلب

وتذكرت الأيام الخوالي على قولت المثل

دمت بسعادة

نهارنهارنهار

[فارس كول]

:dn8::dn8::dn8:تسلم يابو سمير على النقل فعلا صور رائعه ياليتنا نطلع مثل هالطلعه اللي تشرح البال والخاطر شوقتنا يابو سمير تسلم يمينك على الصور ويخليلك سمير انشاء الله

[نهار الدحيلان]

تسلم اخوي ابو فارس

الله يلحق على خير أن شاءالله ونطلع مرات وليس مرة واحده

انت بس جهز نفسك اخبرك راعي طلعت يوم وترجع ماتحب المراح بالبر ههههههه

اذا بك شدة على صدد رحلة صيد هالايام المقبلة غرب حوالي العلا اذا ودك تخاوي

تسلم على هالدعوة الحلوه

دمت بخير وحفظ الله لك فارس من كل مكروه

[بنت نجد]

ياويل حالي يانهااااار


صور ترد الروح والله


والله اني مشتاقه لحائل حييييييييييييييييييييييييييييييييل



الله يعطيك العافيه على التغطيه


تقبل مروري

[نهار الدحيلان]

حياك الله اختي بنت نجد

اما ياويل حالك هههههههههههههه
خلاص تعالي لحائل وبنطلعك لديرة اسمها قاع الصير يقولون ربيع كثير وناسة
هههههههههههههههه

اشكرك على تواجدك المتواصل
نهارنهارنهار

[نايف الزويمل]

عليكـ حق ابو سمير
الواحد يجي ويمر مرور الكرام
ولا خبر على الصامت ماشين
على الأقل مهيله عند الوالد
على العموم هيضتني على الطلعات .
تقبل مروري المتواضع.

[نهار الدحيلان]

هلا وغلا اخوي الكاســر

ابشر بالحق طال عمرك
ومهيلة ابوك ماهي من اليوم سنين طويلة وهي جاهزة عسى الله يطول بعمره
مشهود له بالكيف واكثار الهيل الطيب بدلته ,,, علمه يرفع الراس

اشكرك على مرورك

نهارنهارنهار